Connect with us

News

ගල්ලෙන් විහාරය අසල ගල්කොරියෙන් පුරාවිද්‍යාත්මක ස්ථාන රැසකට දැඩි හානි

Published

on

එ‌ෙතිහාසික ගල්ලෙන් විහාරය අසල ගල් කොරියක් පවත්වාගෙන යාම නිසා පුරාවිද්‍යාත්මක වටිනාකමින් යුතු ස්ථානවලට දැඩි හානි සිදුවෙමින් පවතී. මේ සම්බන්ධයෙන් සොයා බැලීමට සංස්කෘතික කටයුතු රාජ්‍ය අමාත්‍ය විදුර වික්‍රමනායක එම ස්ථානයට පැමිණි අතර දින 3ක් තුළ පුරාවිද්‍යා ස්ථාන සම්බන්ධයෙන් තමන් වෙත වාර්තාවක් ලබා දෙන ලෙස පුරාවිද්‍යා නිලධාරීන්ට උපදෙස් ලබා දී තිබේ.

කෑගල්ල දිස්ත්‍රික්කයේ වරකාපොල ප්‍රදේශයේ පිහිටි එම පුරාවිද්‍යා වටිනාකමක් ඇති ස්ථානයේ සදකඩ පහනක් ඇතුලු ස්ථාන කිහිපයකට දැනටමත් හානි සිදුවී ඇති බව ගම්වාසීන් පවසනවා. ශ්‍රී දන්ත ධාතූන් වහන්සේ කලක් සගවා තිබූ බෙලිගල විජයසුන්දරාරාමයට ද මෙම ස්ථානය සම්බන්ධ බවට පුරාවිද්‍යාඥයින් පෙන්වා දෙනවා.

Advertisement
Click to comment

Leave a Reply

Your email address will not be published.

News

කඩා දැමූ ගාල්ලේ ගෝඨාගෝගම ශාඛාව නීතිඥවරුන්ගේ මැදිහත් වීමෙන් යළිත් ලබා දෙයි

Published

on

By

ගාළුමුවදොර ගෝඨාගෝගම නිර්පාක්ෂික අරගලයට සමගාමීව ගාල්ල ප්‍රධාන බස් නැවතුම්පොළ ඉදිරිපිට පැවැත්වූ සාමකාමී උද්ඝෝෂණය සඳහා සවිකර තිබූ අට්ටාලයක් බලහත්කාරයෙන් ඉවත් කිරීමට ගාල්ල පොලිසිය කටයුතු කර තිබුණා.

අප්‍රේල් 17 දින පෙරවරුවේ කඩා වැදුනු පොලිස් නිලධාරීන් කණ්ඩායමක් විසින් මෙලෙස අට්ටාලය ඉවත් කර පොලිසිය වෙත ගෙන ගොස් තිබූ අතර ගාල්ල නීතිඥවරුන් කණ්ඩායමක් පොලීසිය වෙත කරුණු විමසා තිබුණා. ඒ අනුව, අදාළ කූඩාරම උද්ඝෝෂකයින් වෙතම නැවත භාර දීමට ගාල්ල පොලිසිය එම නීතිඥවරුන්ට පොරොන්දු වී තිබෙනවා.

පොලිසිය විසින් සිදු කරන ලද ක්‍රියාව ආණ්ඩුක්‍රම ව්‍යවස්ථාවෙන් තහවුරු කොට ඇති පුරවැසියන්ගේ අයිතියට එරෙහි ක්‍රියාවක් බව එම නීතිඥවරුන් පොලිස් නිලධාරීන් වෙත පෙන්වා දී තිබුණා.

මෙම අවස්ථාව සඳහා ජ්‍යෙෂ්ඨ නීතිඥවරුන් ඇතුළු නීතිඥවරුන් 12 දෙනෙකුගේ පමණ කණ්ඩායමක් සහභාගී වී ඇත.

Continue Reading

News

නිලධාරීන්ගේ රාජකාරියට බාධා කළ “නිල නොලත් මහේස්ත්‍රාත්” රිමාන්ඩ්

Published

on

By

නිල නොවන මහෙස්ත්‍රාත් සහ සාමදාන විනිසුරු ලෙස නිල මුද්‍රාවක් ද භාවිතා කළ මොරටුව නගරාධිපති සමන්ලාල් ප්‍රනාන්දු ජුනි මස 11 දින දක්වා රක්ෂිත බන්ධනාගාරගත කිරීමට මොරටුව මහෙස්ත්‍රාත්වරයා නියෝග කර තිබේ.

ඒ මැයි 27 දින මොරටුව විල්ලෝරවත්ත ප්‍රදේශයේ දී සිදුකරන ලද එන්නත්කරණ වැඩසටහනක් අතරතුර කලහකාරී ලෙස හැසිරී වෛද්‍යවරුන්ගේ රාජකාරියට බාධා කිරීම යන චෝදනාව යටතේ ගල්කිස්ස පොලීසිය විසින් අත්අඩංගුවට ගෙන ‌අධිකරණය හමුවට ඉදිරිපත් කිරීමෙන් අනතුරුවයි.

කෙසේ වෙතත් නගරාධිපතිවරයාව අත්අඩංගුවට ගෙන ඇත්තේ නීතිඥවරයෙකු මාර්ගයෙන් මැයි 28 දින පෙරවරුවේ ගල්කිස්ස පොලීසියට බාර වීමෙන් අනතුරුවයි.

මෙම නගරාධිපතිවරයා විසින් භාවිතා කරන ලද නිල මුද්‍රාවක සටහන් කර තිබුණේ ‘ඩබ්. සමන් ලාල් ප්‍රනාන්දු, නිල නොලත් මහේස්ත්‍රාත් සහ සාමදාන විනිශ්චායකාර, නගරාධිපති, මොරටුව මහ නගර සභාව ලෙසයි.

නීතිඥවරයෙකු නොවන නගරාධිපතිවරයා, මෙලෙස “නිල නොලත් මහෙස්ත්‍රාත්” ලෙස සටහන් කර තිබීම සම්බන්ධයෙන් මීඩියාඑල්කේ වෙබ් අඩවිය කළ සොයා බැලීමක දී අනාවරණය වී ඇත්තේ මහ නගර සභාවලට අදාළ 1947 අංක 29 දරන ආඥාපනතේ තුන්වැනි කොටසේ නගරාධිපතිවරයා සම්බන්ධයෙන් සඳහන් වන 16 වගන්තිය අනුව මෙම නාමය භාවිතා කර ඇති බවයි.

“සෑම මහ නගර සභාවකම නගරාධිපතිවරයාට සහ නියෝජ්‍ය නගරාධිපතිවරයාට ඔහු අදාළ ධුරය දරන කාලය තුළදී, අදාළ මහ නගර සභාව පිහිටි පරිපාලන දිස්ත්‍රික්කය තුළ සාමදාන විනිශ්චයකාර සහ නිල නොලත් මහේස්ත්‍රාත් යන ධුර දැරිය හැකිය.” යනුවෙන් එහි දැක්වෙන බව එම වෙබ් අඩවිය වාර්තා කර ඇත.

මේ සම්බන්ධයෙන් එම වෙබ් අඩවිය සමග අදහස් දක්වා ඇති නීතිඥ නිමල් රණසිංහ පෙන්වා දී ඇත්තේ අදාළ ආඥාපනත ඉදිරිපත් වූ කාලයට සාපේක්ෂව එකී නිල නාමය ලබාදී ඇති බවයි.

“ඉහත කාලයේ ආණ්ඩුවේ ඒජනත්වරුන් නඩු ඇහුවා. ඒක ඒ කාලයේ තිබුණු ප්‍රතිපාදනයක්. දැන් ක්‍රියාත්මක නෑ. ඉස්සර ගම්සභා උසාවිවල නඩු ඇහුවෙ ගම් සභාවෙ සභාපති. දැං ඒව නෑනෙ. මේකත් ඒ වගේ.” යැයි ද ඒ මහතා වැඩිදුරටත් පැහැදිලි කර ඇත.

Continue Reading

News

CIDය භාරයේ සිටි අසාද් සාලිට හදිසි හෘදයාබාධයක්, වහාම රෝහල්ගත කරයි

Published

on

By

රැඳවුම් නියෝග මත අපරාධ පරීක්ෂණ දෙපාර්තමේන්තුව බාරයේ පසුවන බස්නාහිර පළාත් හිටපු ආණ්ඩුකාර අසාද් සාලි හෘදයාබාධ තත්ත්වයක් හේතුවෙන් කොළඹ ජාතික රෝහලට ඇතුළත් කර ඇති බව එම රෝහලේ ප්‍රකාශයෙකු සඳහන් කළා.

හිටපු ආණ්ඩුකාරවරයා ඊයේ (18) රාත්‍රියේ රෝහලට රැගෙනවිත් ඇති අතර ඔහුගේ තත්වය බරපතල නොවන බව ද වාර්තා වේ.

Continue Reading

Trending